Jåhkåmåhki márkan

Jåhkåmåhki dálvemárkanis lea guhkes historjjá ja lea árbevierru mii lea bisttán eanet go 400 jagi. Fástta márkansajit sámiid dálveeatnamiid lahka ásahuvvoje ruoŧa gonagasfámus álgugeažis 1600-logu visot sámeeatnamiin Bottenvika goappeš belliide. Ulbmil leai nannet stáhta fámu ássiid badjel nuortan, čoaggit vearu, doallat lágalaš dikkiid ja sárdnidit Ipmila sáni. Márkanastimis sámeeatnamis čoaskkáseamus áiggi jagis ledje ollu buori bealit. Sámit ledje čoahkkánan iežaset dálveorohagaide vuovdeguovlluin guođuhit ealuideaset, ja jikŋon eanut ja čázit ledje buorit geainnut gávpeolbmuide, stáhtabargiide ja girkohearráide.